ბოდრუმი ერთ-ერთი ულამაზესი ზღვისპირა ქალაქია თურქეთში, სადაც იდეალურად არის გაერთიანებული დასვენება, ისტორია და ღამის ცხოვრება. დღე შეგიძლიათ დაიწყოთ ბოდრუმის ულამაზეს პლაჟებზე, მათ შორის განსაკუთრებით გამოირჩევა Yalıkavak Marina, სადაც მზეს, კოქტეილებსა და ეგეოსის ზღვის გამჭვირვალე წყალს ერთდროულად მიირთმევთ. დღის მეორე ნახევარში აუცილებლად უნდა მოინახულოთ ბოდრუმის სიმბოლო – წმინდა პეტრეს შუასაუკუნოვანი ციხესიმაგრე, სადაც ასევე მდებარეობს ცნობილი წყალქვეშა არქეოლოგიური მუზეუმი. რამდენიმე წუთის სავალზე აღმოჩნდებით უძველესი მსოფლიოს შვიდი საოცრებიდან ერთ-ერთის, ჰალიკარნასის მაუზოლეუმის ნანგრევებთან, რომელიც არქიტექტურის მოყვარულთათვის განსაკუთრებულ ინტერესს წარმოადგენს.ბოდრუმიდან გამგზავრების გარეშე შეგიძლიათ გაეცნოთ ეგეოსის ზღვის კულტურულ მრავალფეროვნებასა და გასტრონომიას. ადგილობრივ ბაზარზე ხეტიალისას დააგემოვნეთ ტრადიციული კერძები და შეიძინეთ თურქული ტკბილეული და სანელებლები. ბუნების მოყვარულებს აუცილებლად ვურჩევთ გემით გაემგზავროთ ეგეოსის ზღვის პატარა ყურეებსა და კუნძულებზე, სადაც სიმშვიდესთან ერთად თვალწარმტაცი ბუნება დაგხვდებათ. საღამოს ქალაქი სრულიად გარდაიქმნება – ბოდრუმის ბარებსა და კლუბებში მუსიკა გამთენიისას წყდება, რაც მას ახალგაზრდების საყვარელ ადგილად აქცევს.ბოდრუმის ძველი ქალაქი თავისი ვიწრო ქუჩებითა და თეთრად შეღებილი შენობებით წარმოგიდგენთ ადგილობრივ არქიტექტურას და ტრადიციებს, ხოლო ანტიკური თეატრი, რომელიც დღემდე მოქმედია, ქალაქის მდიდარ კულტურულ წარსულზე მეტყველებს. ქალაქის სტუმრობისას არ უნდა გამოტოვოთ სოფელი Gümbet, რომელიც აქტიური წყლის სპორტის მოყვარულებს იზიდავს. ერთი სიტყვით, ბოდრუმი სწორედ ის ადგილია, სადაც ზღვა, ისტორია და გართობა ერთიანდება და მოგზაურობის დაუვიწყარ შთაბეჭდილებებს გპირდებათ.