ესპანეთის დედაქალაქი მადრიდი არაჩვეულებრივად არის მორგებული როგორც მშვიდი, ისე აქტიური დასვენების მოყვარული მოგზაურებისთვის. აქ შეგიძლიათ განიტვირთოთ El Retiro-ს ბაღებში — ქალაქის მწვანე გულში, სადაც შესაძლებელია ნავით გასეირნება ან უბრალოდ ბუნებაში სიმშვიდის პოვნა. დღის მეორე ნახევარში კი აუცილებლად უნდა მოინახულოთ მსოფლიოში ერთ-ერთი ყველაზე გამორჩეული ხელოვნების მუზეუმი — El Prado, სადაც შეხვდებით ველასკესის, გოიასა და რუბენსის შედევრებს.რამდენიმე წუთის სავალზე აღმოჩნდებით Plaza Mayor-ზე — ქალაქის ისტორიულ მოედანზე, რომელიც ფერადი შენობებით, კაფეებითა და სანახაობებით დაგხვდებათ. აქვე ახლოს მდებარეობს Mercado de San Miguel, მადრიდის ერთ-ერთი ყველაზე ცნობილი დახურული ბაზარი, სადაც შეგიძლიათ დააგემოვნოთ საუკეთესო ტაპასები და ადგილობრივი ღვინო.ბუნების მოყვარულთ გირჩევთ ეწვიოთ Casa de Campo-ს — უზარმაზარ პარკს, სადაც არის ტბა, ზოოპარკი და საკაბელო გზა, რომელიც შთამბეჭდავ ხედებს გთავაზობთ მთელ მადრიდზე. სურვილის შემთხვევაში შეგვიძლია დაგიგეგმოთ ველოსიპედებით ტური ამ მწვანე ოაზისში.ხელოვნების და კულტურის მოყვარულებისთვის აღსანიშნავია Reina Sofia-ს მუზეუმი, სადაც თანამედროვე ხელოვნების ნიმუშებს შორის შეგიძლიათ ნახოთ პიკასოს ლეგენდარული „Guernica“.ცალკე აღნიშვნის ღირსია მადრიდის სამეფო სასახლე (Palacio Real de Madrid), თავისი მდიდრული ინტერიერითა და გრანდიოზული დარბაზებით, რომელიც ესპანეთის მონარქიის სიმბოლოა. და ბოლოს, არ გამოგრჩეთ Gran Via — მადრიდის ყველაზე ცნობილი ავენიუ, რომელიც თავისი თეატრებით, მაღაზიებითა და სიცოცხლით სავსე ატმოსფეროთი შესანიშნავად გადმოსცემს ქალაქის ენერგიას.მადრიდი გაძლევთ საშუალებას განიცადოთ ესპანური ცხოვრების ავთენტური რიტმი, და მისი ქუჩებში ყოველი გასეირნება იქნება დაუვიწყარი ემოცია.