საფრანგეთის ისტორიული და კულინარიული დედაქალაქი ლიონი არაჩვეულებრივად არის მორგებული როგორც მშვიდი, ისე აქტიური დასვენების მოყვარული მოგზაურებისთვის. დილას შეგიძლიათ დაიწყოთ ძველ ქალაქში – Vieux Lyon-ში, რომელიც რენესანსის ეპოქის არქიტექტურით, ვიწრო ქუჩებითა და „ტრაბულებით“ (სამალავი გადასასვლელებით) ერთ-ერთ ყველაზე რომანტიკულ ატმოსფეროს ქმნის მთელ საფრანგეთში.მარტო რამდენიმე წუთში აღმოჩნდებით ფურვიერის ბორცვზე (Colline de Fourvière), საიდანაც ულამაზესი ხედი იშლება მთელ ქალაქზე. აქვე მდებარეობს ბასილიკა Notre-Dame de Fourvière, რომელიც როგორც ღვთისმსახურების ადგილით, ისე თავისი არქიტექტურითა და ინტერიერით ტურისტებისთვის დიდ შთაბეჭდილებას ტოვებს.დღის მეორე ნახევარში შეგიძლიათ ეწვიოთ Confluence-ს რაიონს — თანამედროვე არქიტექტურისა და კულტურის შერწყმის შესანიშნავი მაგალითი. აქ მდებარეობს Musée des Confluences — შთამბეჭდავი მუზეუმი, რომელიც ისტორიის, მეცნიერებისა და ცივილიზაციების საზღვრებს აერთიანებს. სურვილის შემთხვევაში შეგვიძლია დაგიგეგმოთ კრუიზი მდინარე საონსა და რონზე, სადაც ქალაქს სრულიად სხვა პერსპექტივით დაინახავთ.ბუნების მოყვარულთ გირჩევთ ეწვიოთ Parc de la Tête d'Or-ს — ევროპის ერთ-ერთ უდიდეს ურბანულ პარკს, სადაც არის ზოოპარკი, ბოტანიკური ბაღი, ტბა და ველოსიპედის ბილიკები — იდეალურია ოჯახური დასვენებისთვისაც.კულინარიის მოყვარულებისთვის ლიონი ნამდვილი სამოთხეა. სწორედ აქედან იღებს სათავეს ტრადიციული ფრანგული ბისტროს კულტურა — ე.წ. „ბუშონები“, სადაც შეგიძლიათ დააგემოვნოთ ადგილობრივი კერძები: ქათმის ღვიძლი, სალარდე, ან კულინარიული ლეგენდა – ლიონური ხორციანი სალათი. ყველაფერს ახლავს უგემრიელესი ღვინო ბოჟოლედან ან კოტ-დუ-რონიდან.ლიონი გაძლევთ შესაძლებლობას დააგემოვნოთ ავთენტური საფრანგეთი — ქალაქი, სადაც თითოეულ ქუჩას, კვებას და შენობას თავისი გემო და ისტორია აქვს. ეს ადგილი ერთდროულადაა მშვიდი და დახვეწილი, თუმცა სავსე სიცოცხლითა და კრეატიულობით.